Харилцан туршлага солилцох хамтарсан дадлага, сургалтыг зохион байгуулахаар тохиролцлоо
ОБЕГ-ын дарга, хошууч генерал Г.Ариунбуян АНУ-аас Монгол Улсад суугаа Онц бөгөөд бүрэн эрхт Элчин сайд ноён Ричард Буанган тэргүүтэй төлөөлөгчдийг хүлээн авч уулзаж, хоёр орны гамшгаас хамгаалах салбарын хамтын ажиллагааны талаар санал солилцлоо.
Уулзалтын эхэнд шинээр томилогдсон АНУ-ын Элчин сайдын яамны Батлан хамгаалахын атташе, дэд хурандаа Жэймс Малоег танилцуулсан юм.
Энэ үеэр талууд Онцгой байдлын байгууллагын алба хаагчдыг АНУ-д гамшгаас хамгаалах чиглэлээр сургалт дадлагад хамруулах, хими, биологи, цацраг, цөмийн болон тэсэрч дэлбэрэх бодисын аюулаас хамгаалах чиглэлд туршлага солилцох бусад чиглэлээр хамтарсан дадлага сургууль зохион байгуулахад хамтран ажиллахаар тохиролцлоо.
Онцгой байдлын ерөнхий газар нь 1992 оноос АНУ-ын Ойн алба, Аляскийн үндэсний гвард, Номхон далайн арми, Энэтхэг, Номхон далайн хуурай замын цэргийн командлал, Олон улсын хөгжлийн агентлаг зэрэг байгууллагуудтай менежемент, хүний нөөцийн чадавхыг бэхжүүлэх, гамшгийн бэлэн байдлыг хангах чиглэлээр хамтран ажиллаж байна.
Уг нийтлэлийн бүх текстүүдийг хуулах
Уг нийтлэлийн бүх зургийг татах
Бусад мэдээлэл
2026/02/16
Хоногийн мэдээАюулт үзэгдэл ослын нөхцөл байдлын мэдээ
Аюулт үзэгдэл ослын нөхцөл байдлын мэдээ
2026/02/16
Шинэ мэдээИрэх сарын цаг агаарын ерөнхий төлөв
Хур тунадас нутгийн баруун өмнөд хэсгээр дунджаас бага, зүүн өмнөд хэсгээр дунджаас ахиу орж, бусад нутгаар дунджийн орчим байх төлөвтэй байна. Муудалтын үеүдийн хувьд сарын эхээр баруун аймгуудын нутгаар дулаан байх хэдий ч зүүн аймгуудын нутгаар сэрүүвтэр байх ба цаашлаад нэгдүгээр арав хоногийн дунд үеэр ихэнх нутгаар эрс сэрүүсэж, хүчтэй салхи шуургатай байх магадлал өндөр байна.
2026/02/16
Шинэ мэдээЭрсдэлээ шалгая, аюулгүй байдлаа хангая
Энэ нь аливаа гамшиг, аюулт үзэгдэл, ослоос урьдчилан сэргийлж, эрсдэлийг үнэлж, бууруулах арга хэмжээг бүх шатанд эртнээс хэрэгжүүлэхийг зөвлөдөг билээ.
