Гамшгаас хамгаалах, аврах, эрэн хайх үйл ажиллагаанд нисгэгчгүй нисэх төхөөрөмж ашиглах чиглэлээр хамтран ажиллана
Онцгой байдлын ерөнхий газар, Монголын Дрон Нисгэгчдийн Холбоотой хамтран ажиллах санамж бичиг байгууллаа. Энэ хүрээнд гамшгаас хамгаалах, аврах, эрэн хайх, тандалт судалгааны үйл ажиллагаанд нисгэгчгүй нисэх төхөөрөмж (дрон)-ийг ашиглах боломжийг нэмэгдүүлэх, мэргэшсэн алба хаагчийг бэлтгэх, байгууллагуудын хамтын ажиллагааг бэхжүүлэх замаар гамшгаас хамгаалах үйл ажиллагааны үр нөлөө, чадавхыг дээшлүүлэхэд хамтран ажиллах юм.
Тухайлбал, нисгэгчгүй нисэх төхөөрөмжийг гамшгаас хамгаалах үйл ажиллагаанд ашиглах чиглэлээр Онцгой байдлын байгууллагын алба хаагчдыг сургаж бэлтгэх, мэргэжлийн техник хэрэгсэл, засвар үйлчилгээ, техникийн оношилгоо, ашиглалтын зөвлөмжөөр хангах, гамшиг, ослын үед агаарын тандалт хийх зэрэг арга хэмжээг хамтран зохион байгуулна.
Ташрамд дурдахад, Монголын дрон нисгэгчдийн холбоо нь 2016 онд байгуулагдаж, нисгэгчгүй нисэх төхөөрөмжийн чиглэлээр мэргэжлийн сургалт, зөвлөх үйлчилгээ, техник нийлүүлэлт, засвар үйлчилгээ эрхэлдэг төрийн бус байгууллага юм.
Уг нийтлэлийн бүх текстүүдийг хуулах
Уг нийтлэлийн бүх зургийг татах
Бусад мэдээлэл
2026/02/12
Хоногийн мэдээАюулт үзэгдэл ослын нөхцөл байдлын мэдээ
Аюулт үзэгдэл ослын нөхцөл байдлын мэдээ
2026/02/12
Шинэ мэдээХурандаа Ц.Ганчимэг: “Онцгой байдал - гамшиг судлал” ахисан түвшний хөтөлбөрт элсэн суралцахыг урьж байна
“Онцгой байдал-гамшиг судлал” магистрын хөтөлбөр нь 2022 онд Боловсролын магадлан итгэмжлэх үндэсний зөвлөлийн шалгуур, шаардлагыг бүрэн хангаж, магадлан итгэмжлэгдсэн. Улмаар 2024 онд хөтөлбөрийн ахиц дэвшлийн үнэлгээгээр сургалт-судалгааны тогтвортой хөгжлийг амжилттай тайлагнасан нь тус хөтөлбөрийн үндэсний хэмжээний статус болон академик чансааг бататгаж байна.
2026/02/12
Шинэ мэдээДаатгалын тогтолцоог урьдчилан сэргийлэх, эрсдэлийг бууруулах чиглэлд уялдуулж, эрх зүйн орчныг боловсронгуй болгоно
Монгол Улсын Шадар сайд Н.Номтойбаяр ДарханУул аймгийн гамшиг, ослын нөхцөл байдал, Онцгой байдлын газрын хэмжээнд ашиглаж байгаа техник тоног төхөөрөмж, хувцас хэрэглэлтэй танилцаж, цаашид анхаарах асуудлын талаар санал солилцлоо.
