Гамшгийн эрсдэлийг бууруулах орон нутгийн зөвлөлийн гишүүд сургалтад хамрагдлаа
Тайландын Хаант Улсын Бангкок хотноо Азийн гамшгийн бэлэн төвөөс зохион байгуулсан Гамшгийн эрсдэлийг бууруулах орон нутгийн зөвлөлийн гишүүдэд зориулсан “Тогтвортой хөгжил ба гамшгийн эрсдэлийн удирдлага” сэдэвт сургалтад орон нутгийн зөвлөлийн гишүүд хамрагдлаа.
Энэ сарын 09-13-ны өдрүүдэд үргэлжилсэн тус сургалтаар гамшгийн эрсдэлийн удирдлагын шинэ чиг хандлага, үзэл баримтлал, арга хэрэгсэл, олон улсын сайн туршлагын талаар цогц ойлголт олгох, гамшгийн эрсдэлийг бууруулах үйл ажиллагаанд дүн шинжилгээний болон стратегийн чадавхыг бэхжүүлэх, гамшгийн хохирлын үнэлгээ, олон улсын сайн туршлагыг Монгол Улсад хэрхэн нутагшуулах чиглэлээр санал солилцлоо.
Мөн онолын суурийг бодит кейс судалгаа, газар оронтой танилцах байдлаар судалж, эрсдэлийг бууруулах арга хэмжээг хэрэгжүүлэх туршлага хуримтлууллаа.
Гамшгийн эрсдэлийг бууруулах үндэсний зөвлөлийн Ажлын албанаас Гамшгийн эрсдэлийг бууруулах орон нутгийн зөвлөлийг чадавхжуулах, үйл ажиллагааг өргөжүүлэх, мэдлэг, ойлголтыг нэмэгдүүлэх, олон улсын бодлогын чиг хандлага, туршлага сургамж солилцох арга хэмжээг НҮБ-ын Гамшгийн эрсдэлийг бууруулах газар, Азийн Гамшгийн бэлэн байдлын төвтэй хамтран тогтмол зохион байгуулж байна.
Уг нийтлэлийн бүх текстүүдийг хуулах
Уг нийтлэлийн бүх зургийг татах
Бусад мэдээлэл
2026/02/16
Шинэ мэдээЦаг агаарын аюултай болон гамшигт үзэгдлээс сэрэмжлүүлж байна
Энэ үед мал аж ахуйн салбарт ямаа самнах, мал төллөх, отор нүүдэл хийх, нэмэгдэл тэжээл өгөх зэрэг ажил эрчимтэй явагдаж байгаа тул малчид, иргэд та бүхэн цаг агаарын аюултай үзэгдлээс урьдчилан сэргийлэхийг онцгойлон зөвлөж байна.
2026/02/16
Шинэ мэдээЗалуу офицеруудын хөгжлийн жилийн нээлтийн арга хэмжээ боллоо
“Залуу офицерууд"-ын хөгжлийн жилийн хүрээнд офицеруудын мэдлэг, ур чадварыг нэмэгдүүлэх, мэргэжлийн хөгжлийг дэмжих, нийгмийн идэвх оролцоог өргөжүүлэх, харилцан туршлага солилцох, бусдад үлгэрлэн манлайлах чадварыг төлөвшүүлэхэд чиглэсэн цогц арга хэмжээнүүдийг төлөвлөн хэрэгжүүлж байна.
2026/02/16
Шинэ мэдээХүүхдийн дуу хоолойг сонсох өдөр
Монгол улс Олон улсын Хүүхдийн тусламжийн утас (Child helpline international)-ны байгууллагын гишүүн орон бөгөөд дэлхийн 168 улсад хүүхдийн тусламжийн 173 утас ажилладаг байна.
