Цаг агаар: 

Өнгөрсөн хоногт: Баян-Өлгий аймагт шороогоор шуурсан, Завхан аймгийн 3 суманд 1 см цас орсон. Бусад нутгаар цаг агаар тогтуун байлаа.

  Өнөөдөр:  Ихэнх нутгаар солигдмол үүлтэй. Увс нуурын хотгор, Алтай, Хангай, Хөвсгөлийн уулархаг нутгаар цас орж, явган шуурга шуурна. Бусад нутгаар цас орохгүй. Ихэнх нутгаар баруун өмнөөс секундэд 6-11 метр, Алтайн уулархаг нутаг болон Арц-богдын өвөр хоолойгоор түр зуур секундэд 18-20 метр хүрч ширүүснэ. Увс нуур болон Дархадын хотгор, Тэс голын хөндий, Хэнтийн уулархаг нутаг, Дорнодын тал нутгаар -19...-24 градус, Завхан, Заг-Байдраг голын эх, Идэр, Эг, Үүр, Хараа, Ерөө, Хэрлэн, Онон, Улз, Халх голын хөндий, Дарьгангын тал нутгаар -12...-17 градус, Их нууруудын хотгор, говийн бүс нутгийн баруун өмнөд хэсэг, Хангайн нурууны өвөр бэлээр +4...-1 градус, Говь-Алтайн уулархаг нутгаар -2...-7 градус, бусад нутгаар -7...-12 градус хүйтэн байна. 

  Улаанбаатар хотод:   Үүлшинэ, цас орохгүй, салхи баруун өмнөөс секундэд 4-9 метр, -7...-9 градус хүйтэн байна.

Төлөв байдал: 13-нд Увс нуурын хотгор болон Алтай, Хангай, Хөвсгөлийн уулархаг нутгаар, 14-нд баруун болон төвийн аймгуудын нутгийн зарим, говийн аймгуудын нутгийн хойд, зүүн аймгуудын нутгийн өмнөд хэсгээр, 15-нд төвийн аймгуудын нутгийн өмнөд хэсэг, говь болон зүүн аймгуудын нутгийн зарим газраар, 16-нд нутгийн зүүн өмнөд хэсгээр, 17-18-нд нутгийн зарим газраар цас орж, цасан шуурга шуурна. Салхи 14-нд баруун аймгуудын нутгаар, 15-17-нд нутгийн зарим газраар түр зуур секундэд 18-20 метр хүрч ширүүснэ. Агаарын температур 13, 14-нд ихэнх нутгаар хүйтний эрч сулавтар байх боловч 15-наас ихэнх нутгаар хүйтний эрч эрс чангарч Дархадын хотгор, Завхан голын эх, Хүрэнбэлчир орчим, Идэр, Тэс голын хөндийгөөр шөнөдөө -40...-45 градус, өдөртөө -29...-34 градус, Увс нуурын хотгор, Алтай, Хангай, Хөвсгөл, Хэнтийн уулархаг нутаг, Хараа, Ерөө, Туул, Тэрэлж, Хэрлэн, Онон, Улз, Халх голын хөндийгөөр шөнөдөө -35...-40 градус, өдөртөө -25...-30 градус, говийн бүс нутгийн өмнөд хэсгээр шөнөдөө -18...-23 градус, өдөртөө -12...-17 градус, бусад нутгаар шөнөдөө -25...-30 градус, өдөртөө -19...-24 градус хүйтэн байна.

Гал түймэр: 

Сэлэнгэ аймаг, Алтанбулаг сум Суврага багийн  21 дүгээр гудамжны 1 тоот /аймгийн төвөөс зүүн зүгт 27 км-т, сумын төвд/  Грааш, суудлын автомашин шатаж байна дуудлагыг 01.12-ны өдрийн 09:00 цагт хүлээн авсан.   Тус аймгийн Онцгой байдлын газрын 36 дугаар  ангийн алба хаагчдыг очиход иргэн Ж-ын 6х4 метрийн хэмжээтэй грааш,  “RAV-4” загварын автомашин, залгаа баригдсан 6х7 мертийн хэмжээтэй байшингийн дээвэр шатаж байсныг ажиллаж унтраасан.

Сэлэнгэ аймаг, Мандал сум Баянсуудал баг байшингийн дээвэр шатаж байна гэсэн дуудлагыг 01.12-ны өдрийн 14:33 цагт хүлээн авсан. Тус аймгийн Онцгой байдлын газрын Мандал сум дахь 19 дүгээр ангийн алба хаагчдыг очиход иргэн Э-ын 6х7 метрийн хэмжээтэй байшингийн дээвэр шатаж байсныг ажиллаж унтраасан. 

Хэнтий аймаг, Хэрлэн сум Хэрлэн баг нам даралтын зуухны өрөөний дээвэр шатаж байна гэсэн дуудлагыг 01.12-ны өдрийн 17:16 цагт хүлээн авсан. Тус аймгийн Онцгой байдлын газрын 32 дугаар ангийн алба хаагчдыг очиход иргэн М-ийн цэвэр усны үйлдвэрийн нам даралтын зуухны өрөөний дээвэр  шатаж байсныг  ажиллаж унтраасан.

Улаанбаатар хот, Сонгинохайрхан дүүрэг 19 дүгээр хороо хогийн сувагт хог шатаж байна гэсэн дуудлагыг 01.12-ны өдрийн 22:48 цагт хүлээн авсан. Тус дүүргийн Онцгой байдлын хэлтсийн 26 дугаар ангийн алба хаагчдыг очиход 2х3 метрийн хэмжээтэй хогийн сувагт хог шатаж байсныг ажиллаж унтраасан. 

Дорноговь аймаг, Сайншанд сум Далай шанд баг хашаа шатаж байна гэсэн дуудлагыг 01.13-ны өдрийн 03:19 цагт хүлээн авсан.  Тус аймгийн Онцгой байдлын газрын 33 дугаар ангийн алба хаагчдыг очиход иргэн Д-ын 2 метрийн урт хашаа шатаж байсныг ажиллаж унтраасан.

ОНЦГОЙ БАЙДЛЫН ЕРӨНХИЙ ГАЗАР