“Хот дахь эрэн хайх, аврах ажиллагаа”-ны сургалтад хамрагдаж байна
БНХАУ-ын Онцгой байдлын удирдлагын яамнаас Бээжин хотноо зохион байгуулж байгаа “Хот дахь эрэн хайх, аврах ажиллагаа”-ны сургалтад Онцгой байдлын байгууллагын 30 алба хаагч хамрагдаж байна.
Сургалтын хүрээнд бүх төрлийн барилгын нуранги болон өндрөөс аврах ажиллагааны онол, дадлага хосолсон сургалт явагдаж, эрэн хайх, аврах ажиллагааны стандарт, орчин үеийн арга зүй, тоног төхөөрөмжийн ашилалтын талаар мэдлэг олгох бөгөөд олон улсын туршлагаас суралцах юм.
Онцгой байдлын байгууллагаас НҮБ-ын Олон улсын эрэн хайх, авран туслах зөвлөлдөх бүлгийн ангилалд хамрагдсан хот дахь эрэн хайх, аврах дунд түвшний багтай болох, албаны хот дахь эрэн хайх, аврах ажиллагааны чадавхыг сайжруулах чиглэлээр зорилт тавин ажиллаж байгаа бөгөөд тус зорилтод хүрэхэд энэ удаагийн сургалт ач холбогдолтой юм.
Сургалтын үр дүнд алба хаагчдын хот дахь эрэн хайх, аврах ажиллагааны мэдлэг, мэргэжлийн ур чадвар дээшлэх бөгөөд сургалт ирэх арванхоёрдугаар сарын 04-нийг хүртэл үргэлжилнэ.
Уг нийтлэлийн бүх текстүүдийг хуулах
Уг нийтлэлийн бүх зургийг татах
Бусад мэдээлэл
2025/11/24
Шинэ мэдээОрон нутгийн онцлогт тулгуурласан эрсдэлийн удирдлага, хариу арга хэмжээний чадавхыг нэмэгдүүллээ
Сургуулийн өмнөх мэдлэг шалгах тестийн дундаж үнэлгээ 2.9 байсан бол төгсгөлд 4.3 болж, мэдлэгийн түвшин 48 хувиар өссөн үзүүлэлттэй гарсан бөгөөд сургуулийн ерөнхий үнэлгээ үнэлгээгээр “Хангалттай” гэж дүгнэгдсэн байна.
2025/11/24
Шинэ мэдээУдирдах бүрэлдэхүүний “Бидний нөхөрлөл” нөхөрсөг спортын тэмцээн үргэлжилж байна
Төрийн цэргийн болон хууль сахиулах байгууллагуудын удирдах бүрэлдэхүүний дунд жил бүр зохион байгуулдаг тус тэмцээн буудлага, биллиард, волейбол гэсэн гурван төрлөөр аваргуудаа шалгаруулах юм.
2025/11/24
Шинэ мэдээХийн аюулгүй ажиллагааны чиглэлээр мэргэжлийн боловсон хүчин бэлтгэх, чадавхжуулах сургалтыг зохион байгуулав
Төслийн хүрээнд Онцгой байдлын байгууллагын 100 алба хаагчийг хийн ослын үеийн хариу арга хэмжээ авах чиглэлээр бэлтгэх бөгөөд хийн аюулгүй ажиллагааны чиглэлээр мэргэжлийн боловсон хүчин бэлтгэх, чадавхжуулах ажлыг үе шаттайгаар хэрэгжүүлж байна.
