"Сонгодог пауэрлифтингийн аварга шалгаруулах тэмцээн"-ээс хоёр мөнгө, хоёр хүрэл медаль хүртлээ
Монгол Улсын Ерөнхийлөгчийн ивээл дор зохион байгуулагдсан үндэсний аюулгүй байдлыг хангах тусгайлсан чиг үүрэг бүхий байгууллагуудын алба хаагчдын "Сонгодог пауэрлифтингийн аварга шалгаруулах тэмцээн"-ээс Онцгой байдлын байгууллагын алба хаагчид хоёр мөнгө, хоёр хүрэл медаль хүртлээ.
Тодруулбал, эрэгтэйчүүдийн +120 кг-ийн жинд "Аврагч" биеийн тамир техник хорооны тамирчин, дэд ахлагч Б.Бат-Эрдэнэ, -105 кг-ийн жинд Сэлэнгэ аймгийн Онцгой байдлын газрын Гал түймэр унтраах, аврах 36 дугаар ангийн салааны захирагчийн туслах, ахлах ахлагч Б.Даваасүрэн нар мөнгө, -66 кг-ийн жинд Дорноговь аймгийн Онцгой байдлын газрын Эрэн хайх, аврах салбарын аврагч-нохой хөтлөгч, ахлах ахлагч Б.Хатанбаатар хүрэл медаль хүртсэн бол эмэгтэйчүүдийн 69 кг-ийн төрөлд "Аврагч" биеийн тамир техник хорооны тамирчин, ахлагч Г.Ануужин хүрэл медалийн эзэн болсон юм.
Тэмцээнд төрийн цэргийн болон хууль сахиулах 15 байгууллагын 190 гаруй тамирчин 22 жинд өрсөлдөж, аваргуудаа шалгаруулсан байна. Ташрамд мэдээлэхэд, Жил бүр уламжлал болгон зохиогддог тус тэмцээнийг ирэх жил Онцгой байдлын ерөнхий газар хариуцан зохион байгуулах юм.
Уг нийтлэлийн бүх текстүүдийг хуулах
Уг нийтлэлийн бүх зургийг татах
Бусад мэдээлэл
2025/11/24
Шинэ мэдээХамтран хэрэгжүүлж байгаа төсөл, хөтөлбөрүүдийн талаар санал солилцлоо
Монгол Улсын Шадар сайд Н.Номтойбаяр өнөөдөр (2026.06.04) Азийн хөгжлийн банкны Монгол Улс дахь Суурин төлөөлөгчийг түр орлон гүйцэтгэгч Чандра Мохан Арораг хүлээн авч уулзаж, Онцгой байдлын ерөнхий газарт хэрэгжиж буй төсөл, хөтөлбөрүүдийн талаар санал солилцлоо. Уулзалтын эхэнд Шадар сайд Н.Номтойбаяр, Азийн хөгжлийн банкны санхүүжилтээр хэрэгжиж буй төслүүд үр дүнтэй байгааг онцолж, гамшгаас хамгаалах, гамшгийн эрт сэрэмжлүүлэх, зарлан мэдээллийн нэгдсэн тогтолцоог хөгжүүлэх, орчин үеийн технологид суурилсан шийдлүүдийг нэвтрүүлэх ажлын талаар танилцууллаа. Тэрбээр гамшгаас хамгаалах эрх зүйн орчныг боловсронгуй болгох зорилгоор Гамшгаас хамгаалах тухай хуулийн шинэчилсэн найруулгын төсөл дээр ажиллаж байгааг дурдаж, онцгой байдлын салбарын санхүүгийн тогтвортой байдал, удирдлага зохион байгуулалт, гамшгийн эрсдэлийг бууруулах тогтолцоог бэхжүүлэхэд чиглэсэн өөрчлөлтүүдийг тусгахаар ажиллаж байгаагаа онцлов. Азийн хөгжлийн банкны Монгол Улс дахь Суурин төлөөлөгчийг түр орлон гүйцэтгэгч Чандра Мохан Арора, Онцгой байдлын ерөнхий газартай хамтран хэрэгжүүлж буй гамшгийн зарлан мэдээллийн нэгдсэн тогтолцоог бэхжүүлэх төслийн явцыг танилцуулж, цаашид хамтын ажиллагааг үргэлжлүүлнэ гэв.
2025/11/24
Шинэ мэдээУулзалтаар журмын онцлог, анхаарах асуудлын талаар хэлэлцлээ
Тус журам батлагдсанаар орон нутгийн эрүүл мэндийн байгууллагаас төрөлжсөн болон лавлагаа шатлалын эмнэлэг хооронд үйлчлүүлэгчийг Онцгой байдлын байгууллагын нисдэг тэргээр агаараар тээвэрлэх эрхзүйн орчин бүрдэнэ.
2025/11/24
Шинэ мэдээМэргэжлийн аврагч-усчин, шумбагчийн анхан шатны сургалтыг зохион байгуулж байна
Алба хаагчид усны бага гүнд шумбалтын иж бүрдэлтэй шумбах, усны мандал дээр аврах сэлэлтээр 20-25 метрийн зайд сэлэх, аврах цагираг шидэх, аврах завь сэлүүрдэх, уснаас эрэн хайх, аврах бүлгийн ажиллагаа зохиоон байгуулах чадваруудыг эзэмшиж байна.
