Цаг агаар: 

Өнгөрсөн хоногт: Завхан аймгийн нутгийн зарим хэсгээр цасан шуурга шуурсан, бусад нутгаар цаг агаар тогтуун байлаа.

Өнөөдөр: Нутгийн хойд хэсгээр үүлшинэ, бусад нутгаар багавтар үүлтэй. Алтай, Хангай, Хөвсгөлийн уулахаг нутаг, Сэлэнгэ, Хараа, Ерөө голын сав газраар цас орно. Бусад нутгаар цас орохгүй.

Салхи нутгийн зүүн хагаст баруун өмнөөс, бусад нутгаар баруун өмнөөс хойш эргэж секундэд 6-11 метр, Алтайн салбар уулс болон говийн бүс нутгийн баруун өмнөд хэсгээр секундэд 15-17 метр хүрч ширүүснэ.

Хүрэнбэлчир орчмоор -10...-15 градус, Монгол-Алтай, Хөвсгөлийн уулархаг нутаг, Дархадын хотгор, Идэр, Тэс, Завхан, Заг, Ерөө, Туул, Тэрэлж голын хөндийгөөр -3...-8 градус хүйтэн, Их нууруудын хотгор болон говийн бүс нутгийн өмнөд хэсгээр +4...+9 градус, бусад нутгаар -3...+2 градус дулаан байна.

Улаанбаатар хотод: агавтар үүлтэй. Цас орохгүй. Салхи баруун өмнөөс секундэд 4-9 метр. 0...-2 градус хүйтэн байна.

Төлөв байдал: 12-нд Дархадын хотгор, Хэнтийн уулархаг нутаг, Дарьгангын тал нутгаар, 13-нд Монгол-Алтайн уулархаг нутгаар, 14-нд баруун болон төвийн аймгуудын ихэнх нутгаар, 15-нд төвийн аймгуудын ихэнх, говийн аймгуудын нутгийн зарим, зүүн аймгуудын нутгийн хойд хэсгээр цас орж, цасан шуурга шуурна. Салхи 13-нд Алтайн салбар уулсаар, 14-нд ихэнх нутгаар, 15-нд говь, тал, хээрийн нутгаар, секундэд 15-17 метр хүрч ширүүснэ. Хүрэнбэлчир орчмоор шөнөдөө -23…-28 градус, өдөртөө -9…-14 градус, Завхан голын эх, Алтай, Хангай, Хөвсгөл, Хэнтийн уулархаг нутаг, Идэр, Тэс, Туул, Тэрэлж голын хөндийгөөр шөнөдөө -17…-22 градус, өдөртөө -4…-9 градус, говийн бүс нутгийн өмнөд хэсгээр шөнөдөө -2…-7 градус хүйтэн, өдөртөө +4…+9 градус дулаан, бусад нутгаар шөнөдөө -10…-15 градус, өдөртөө +2…-3 градус хүйтэн байна. 14-нд нутгийн баруун хэсгээр, 15-нд ихэнх нутгаар хүйтний эрч чангарна.

Гал түймэр:

Сэлэнгэ аймаг, Мандал сум Баянхангай баг гал гарч байна гэсэн дуудлагыг 08:22 цагт хүлээн авсан. Тус аймгийн Онцгой байдлын газрын Мандал сум дахь 19 дүгээр ангийн алба хаагчдыг очиход, 8х8 метрийн хэмжээтэй байшингийн залгаа 2х10 метрийн хэмжээтэй амбаарт гал гарч байсныг ажиллан унтраасан.

Сүхбаатар аймаг, Сүхбаатар сум Ланз баг  “Чонотой хөшөө” гэдэг газар /аймгийн төвөөс баруун урд зүгт 4 км, сумын төвөөс баруун урд зүгт 50 км/ автомашин шатаж байна гэсэн дуудлагыг 13:10 цагт хүлээн авсан. Тус аймгийн Онцгой байдлын газрын 15 дугаар ангийн  алба хаагчдыг очиход,  “HUAXIANG LANDCONGORERFQ6510” загварын суудлын автомашин шатаж байсныг  ажиллан унтраасан.

Улаанбаатар хот, Чингэлтэй дүүрэг 9 дүгээр хороо байшин шатаж байна гэсэн дуудлагыг 11.11-ний өдрийн 01:08 цагт хүлээн авсан. Тус дүүргийн Онцгой байдлын хэлтсийн 10 дугаар ангийн алба хаагчдыг очиход, иргэн У-ын 10х40 метрийн хэмжээтэй нийтийн байр, залгаа баригдсан, иргэн Ч-ийн 4х7 метрийн хэмжээтэй байшингуудын залгаа дунд байх галлагааны зуух, хана, тааз хэсэг шатаж байсныг ажиллаж унтраасан. Утаажилтын бүсээс 2 /том хүн/ гаргасан.

ОНЦГОЙ БАЙДЛЫН ЕРӨНХИЙ ГАЗАР