Цаг агаар:

Өнгөрсөн хоногт: Нийт нутгаар тогтуун байлаа.

Өнөөдөр: Нутгийн баруун хэсгээр үүлшинэ, бусад нутгаар багавтар үүлтэй. Монгол-Алтай, Хөвсгөлийн уулархаг нутаг болон Увс нуурын хотгороор  нойтон цас, цас орно. Бусад нутгаар цас орохгүй. Ихэнх нутгаар баруун өмнөөс секундэд 5-10 метр, Алтайн салбар уулсаар баруун өмнөөс баруун хойш эргэж секундэд 12-14 метр хүрч ширүүснэ. Монгол-Алтай, Хангай, Хөвсгөлийн уулархаг нутаг, Завхан, Заг-Байдраг голын эх, Хүрэнбэлчир орчим, Идэр, Тэс голын хөндийгөөр -2...+3 градус, говийн бүс нутгийн өмнөд хэсгээр +10...+15 градус, бусад нутгаар +4...+9 градус дулаан байна.

Улаанбаатар хотод: Багавтар үүлтэй. Цас орохгүй. Салхи баруун өмнөөс секундэд 4-9 метр. +7...+9 градус дулаан байна.

Төлөв байдал: 06-нд нутгийн баруун хагаст, 07-нд баруун аймгуудын нутгийн зарим газар, төв, говь, зүүн аймгуудын ихэнх нутгаар, 08-нд төвийн аймгуудын нутгийн зүүн хэсэг, зүүн аймгуудын ихэнх нутгаар, 9-нд Монгол-Алтайн уулсаар бороо, ахиухан хэмжээтэй нойтон цас, цас орж, цасан шуурга шуурна. Салхи 06-нд Алтайн уулархаг нутаг, 07-нд Алтайн уулархаг нутаг, говь, тал, хээрийн нутгаар, 8-нд говь, талын нутгаар секундэд 12-14 метр хүрч ширүүснэ. 06-наас нутгийн баруун хэсгээр, цаашдаа ихэнх нутгаар хүйтэрч, Хангай, Хөвсгөлийн уулархаг нутаг, Хүрэнбэлчир, Идэр, Тэс голын хөндийнгөөр шөнөдөө -21…-26 градус, өдөртөө -9…-14 градус, Алтай, Хэнтийн уулархаг нутаг, Туул, Тэрэлж голын хөндийгөөр шөнөдөө -16…-21 градус, өдөртөө -5…-10 градус, говийн бүс нутгийн өмнөд хэсгээр шөнөдөө -4…-9 градус хүйтэн, өдөртөө -1…+4 градус дулаан, бусад нутгаар шөнөдөө -10…-15 градус, өдөртөө -1…-6 градус хүйтэн байна.

Гал түймэр:

Хөвсгөл аймаг, Мөрөн сум хашаа шатаж байна гэсэн дуудлагыг 08:25 цагт хүлээн авсан.Тус аймгийн Онцгой байдлын газрын 27 дугаар ангийн алба хаагчдыг очиход, иргэн Э-ын эзэмшлийн хашаа, модон "00" шатаж байсныг  ажиллан унтраасан.

Дархан-Уул аймаг, Шарынгол сум айлын өвөлжөөнд хураалттай өвс шатаж байна гэсэн дуудлагыг 11:28 цагт хүлээн авсан.Тус аймгийн Онцгой байдлын газрын Шарын гол сум дахь 55 дугаар ангийн алба хаагчдыг очиход, 13х8 метрийн хэмжээтэй /шпал, банзан/ хийцтэй өвөлжөө, 37.5 тн өвс бүрэн шатаж байсныг ажиллан унтраасан.

Улаанбаатар хот, Хан-Уул дүүрэг 8-р хороо  хашаа шатаж байна гэсэн дуудлагыг 17:34 цагт хүлээн авсан.Тус дүүргийн Онцгой байдлын хэлтсийн 30 дугаар ангийн алба хаагчддыг очиход, эзэн тодорхойгүй айлын 2 метр хэмжээтэй хашаа шатаж байсныг  ажиллаж унтраасан.

Улаанбаатар хот, Хан-Уул дүүрэг 11 дугаар хороо утаа гарч байна гэсэн дуудлагыг 11.05-ны өдрийн 05:00 цагт хүлээн авсан. Тус дүүргийн Онцгой байдлын хэлтсийн 14 дүгээр ангийн алба хаагчдыг очиход, иргэн О-ын эзэмшлийн  “Honda fit” загварын суудлын автомашин бүрэн шатаж байсныг  ажиллаж унтраасан.

Улаанбаатар хот, Сүхбаатар дүүрэг 13 дугаар хороо байшин шатаж байна гэсэн дуудлагыг 11.05-ны өдрийн 05:01 цагт хүлээн авсан. Тус дүүргийн Онцгой байдлын хэлтсийн 34 дүгээр ангийн  алба хаагчдыг очиход, иргэн М-ын эзэмшлийн 13х24 метр хэмжээтэй 1 давхар тавилгын үйлдвэрийн дээвэр, дотор хэсэг эд зүйл шатсан, “Hyundai Porter” загварын автомашин хайрагдсан байсныг  ажиллаж унтраасан.

2.Геологийн гаралтай аюулт үзэгдэл. 

Говь-Алтай аймаг, Бугат сум Гаханч баг “Хүрэн дэл” гэдэг газар /аймгийн төвөөс Баруун хойд зүгт 270 км, сумын төвөөс Зүүн зүгт 29 км, Төгрөг сумын төвөөс Урд зүгт 59 км, Алтай сумын төвөөс Хойд зүгт 83 км/-т. 2025.11.05-ны өдрийн 00:35:46 цагт 3.7 магнитудын хүчтэй газар хөдлөлт болсон тухай мэдээллийг мөн өдрийн ООГХ-ээс 00:43 цагт цахим шуудангаар ирүүлсэн.  Аймгийн Онцгой байдлын газраар дамжуулан Бугат сумын Гахагч багийн Засаг дарга, тус суманд байрлах ХЦ-ийн 0214 ангийн жижүүр, иргэдээс асуумжаар тодруулахад газар хөдлөлтийн чичирхийлэл мэдрэгдээгүй учирсан хохиролгүй тухай мэдээлсэн.

ОНЦГОЙ БАЙДЛЫН ЕРӨНХИЙ ГАЗАР